قاراقان بؤلگه سينده باش وئره ن زيلزيله ده يازميشام

سوْلماز

آللاه ـ آللاه
چنگوره‌ده، آبدره‌ده
غم قالانيب بير ـ بير اوسته.
يوردوموزون باغ ـ بوْستانئ باتيب قانا
قاراليبدير قارا قانين قانئ تانريم!
چنگوره‌ـ‌نين ـ آبدره‌ـ‌نين
سوْنالارئ، بولبوللري اوچوب گئديب
بير ياشيل باش قالماييبدير بوردا داها
چنگوره‌نين ـ آبدره‌ـ‌نين
آغاجلارئ گئييب قارا
و من بوردا دوْلانيرام
دوْداغيمدا مينلر هاراي
اللريم بوْش گؤزومده ياش.
آبدره‌ده چنگوره‌ده
سالخيم ـ سالخيم آسلانيب بار
گيلاسلاردان، آلچالاردان، اريك‌لردن
نه بونلارين وار يييه‌سي
نه بونلارئ يييه‌ن واردير.
هانكئ آغيز قارغاييب دير آغاجلارئ؟!
بوردا بوغوض قوْورا چكيب بوْغازلارا
من اوزومده قويلانميشام قوْچ ايگيدلر,
قيز ـ گلينلر, سود امه‌رلر
سيرا ياتان قبيرلرين كناريندا.
قان سه‌پيليب بوردا بوتون تارلالارا
بولاغلاردا قان چاغلاييب قان آغلاييب
كئچه‌ن گئجه گلينجي‌ـ‌نين اوپوب ياتدي
يازيق سوْلماز
ياتدي سوْلماز,
ياتدئ گؤره رؤياسيندا
قوْلچاغييلا ده‌نيزلرده اوزمه‌لرين
بلكه ده اوْ
قوْلچاغييلا ده‌نيزلرده اوزور هله
بوْينو قوپوق گلينجيكلر
اوچغون قالان كوچه‌لرده
توْز ـ توْرپاغا به‌لشميشلر.
هانئ تانريم؟!
هانئ بس بو قولچاغلارئ , گلينلري
اوْينادانلار؟!
نييه تانريم؟!
نييه گره‌ك هر ايل بيزيم بيچين چاغئ
بيچينچيلر تارلاميزدا جان بيچه‌لر؟!
نييه بويله اينيميزه بيچيليبدير
بيزيم قادا يزيم آغئ!
قادالارا قويلانميشيق
آغيلارا آغلاييريق
ده‌رين‌ـ‌ده‌رين درد چه‌كيريك
هانكئ يامان بير آغيزين
قارغيشييلا قارغانميشيق؟!
قانلئ ياسديق
قانلئ باليش
باشيم آلتدا
گؤزلريمده‌ن ياغير منيم
قانلئ ياغيش.
من اؤزومده قويلانميشام
قوْچ ايگيدلر، قيز گه‌لينلر
سود أمه‌رلر سيرا ياتان
قه‌بيرلرين كناريندا.

ائلشن اوريادلي

داشي ييرام

1. (داشي ييرام)
   
   
   داشي ييرام آجيلاري ،
   
   آغريلاري .
   
   داشي ييرام زه هه ر ،
   
   درد ،
   
   چور .
   
   اوگون سانكي ايلين سون چرشنبه سي ايدي ؛
   
   كيتابلاريميزدان
   
   تونقال قورانلارا ،
   
   مانقال قاييرانلارا .
   
   بيزيم ده ،
   
   بير ايلليك عؤمروموزون ،
   
   قارا بايرامي ايدي او گون .
   
   من اوگونده ن بري داشيماقدايام ؛
   
   داشي ييرام ،
   
   زه هه ر ،
   
   درد ،
   
   چور .
   
   يوردوما قارانليق اكن
   
   قارا گاللار ،
   
   گاللانيب آخين دوشدولر او گون .
   
   او گونون گول له لري ،
   
   قورشونلاري ،
   
   واي اوزومه ده يدي
   
   گوزومه ده يدي
   
   آتامين باغرينا اؤزومه ده يدي
   
   قانيميز توپوغا دئييل ،
   
   ديزه دئييل ،
   
   ته په ده ن آشدي
   
   دوداغلاريميز
   
   گولوشله يابانجي اولدو .
   
   داشيد يق زه هه ر لري ،
   
   دردلري ،
   
   چورلاري .
   
   
   
   
   
   ائلشن اوريادلي

مؤهورلنميش دوداقلاريم

مؤهورلنميش دوْداقلاريم

ائلشن اوريادلي

دومانلئ

ائويم ،

لوت

ياورولاريم ،


ياشاييش بوْيو


يوْرغونلولوغوم ،


شويشه آرخاسيندان باخان


ايشيقسيز گؤزلريم ،


بوْش


أللريم ،

ايتيردي‌ييم

مين ،


تاپديغيم


صيفيرين آلتيندا ياريمچيق بير ،

مين بير بيتمه‌يه‌ن

ديله‌كلريم ،

و........


قورقوشونلا مؤهورله دي يين


دوْداغلاريم ،

دينله مني !

من ازيلسه م ده ،

اوزولمه ميشم !

من هله ده ،

وارام ،

يومروغام !

يومروغوم

آل بايراغيم منيم .