صمد موعللیمین عزیز خاطیره سینه

صمد موعللِيم سنين ياراتديغين بالاجا باليق بؤيويوب عومّان‌دا نهنگ اوْلوبدور اينينه دار گليب قارا كؤينه‌يي، كؤنولسوز اوْلاراق اوْنو سوْيوبدور ùùù ùùù أكدي‌يين مومالار بوْي آتيب داها يوكسه‌ليب گؤيلره، آدين سانين‌دا سنين اثرلرين دونيا بوْيونجا قالارغئ اوْلاراق ايزين قوْيوبدور ùùù ùùù دونن دوشمن سني دامغالادييسا! اؤلدوروب، جسدين تاپدالادييسا! غم قارا باليغئ ييرغالادييسا! بوگون بوتون دونيا سني دويوبدور ùùù ùùù سئودالئ سؤيودلر باش أيير سنه دونيا هاچاق گؤره‌ر سن تكين يئنه؟! طاليعين ، سؤزلرين اؤيود « ائلشنه » اوْدا سنين كيمي جاندان دوْيوبدور. سن اؤلدون كي صمد بئهره‌نگي اوچون سن اؤلدون كي؛ دوشمنينده‌ن اؤج آلاسان اوجالاسان. سن اؤلدون كي؛ ياشاماغئ اؤلمه‌يينله باشقاسينا اؤيره‌ده‌سن. سن اؤلدون كي؛ ياراتديغين اوْ جينقيلئ قارا باليق ده‌نيزلرده يالقيز گئديب قورتولوشو آختارارکن تک قالمييا سن اؤلدون كي؛ اؤلولرده‌ن گؤزو دوْيموش ايماميه ، سن گئديكده، سئوينجده‌ن گؤيه آتا پاپاغينئ هالاي گئده . سن اؤلدون كي؛ ائللريميز أل‌بير اوْلوب آراز بوْيو حسرت اوستده‌ن كؤرپو سالا. سن اؤلدون كي؛ سن اؤلدون كي؛‌ سن اؤلدون كي؛ اؤلمويه‌سه‌ن. اؤلمويه‌سه‌ن! اؤلمويه‌سه‌ن! بوشئعرلرين هر ايکيسيني ده 1380- جی ايل ده يازميشام