(فارس شوونیسمی اؤلمه لیدیر ( ائلشن اوریادلی
میللی قالخینج ، میللی اینقیلاب ، میللی دیره نیش ومیللی دایانیش‌ ، یالنیز بوتون کوتله لر یاخیندان ایشتیراک ائده ن بیر چابادا اورتایا چیخماسییلا گئرچکله نر. باشقا سؤزله دئمک بوتون کوتله لر آرا سیخ بیرلیک له بیر چابانین، میللی و اولوسال بیر چابایا چئوریلمه سی مومکوندور. آذربایجانین آنتی آپارتاید اینقیلابی ایسه بوتون کوتله لرین لاپ یاخیندان ایشتیراک ائتمه سینین دولاییسیلا بیر اولوسال قالخینج ، بیر اولوسال دیره نیش ودایانیش کیمی ده یرلندیریلمکده دیر.
فارس شوونیسمی نین اوزده ن ایراق " ایران " قزئتینده آذربایجان تورکلرینه ائتدی یی تؤوهینده ن سونرا واونون آردینجا فارس رئژیمی نین آذربایجاندا تؤره تدی یی جینایتلره و بو نانکورلوقا قارشی بوتون کوتله لر اؤز منفی تپکیسینی بیلدیردی . آمما بعضا عکس صدالار تمامیله او بیری لری ایله فرقلی اولاراق داها آرتیقراق گؤزه چارپار ایدی . اؤرنک اوچون عؤمور بویو بوتون یازیلاری و دوشونجه لری یالنیز ویالنیز دینی آنلاملار و دوشونجه لر چرچیوه سینده اولان تئهراندا یاشایان شاعیر" ع ا رافیعی " کی واختی ایله بسیج وسیپاه قوللوغوندا اولدوغونا باخمییاراق فارس شوونیسمی نین بو تؤوهینینه قارشی اؤز منفی موناسیبه تینی آشاغیداکی شئعری یازماقلا بؤیله بیلدیرمیشدی . آرتیرمالییام کی ، شاعیریمیزین یاشی یئتمیشده ن آرتیقدیر.


ظوهور ائت


ظوهور ائت عدل ایله دولدور بوتون دونیانی یا مهدی
داریخدیق غیبتون بس کی اولوب طولانی یا مهدی
**** ****
دوعا وذیکرلرده دوشدولر تأثیرده ن تئز گل
نتیجه حاصیل اولمور سجده و تکبیرده ن تئز گل
اوره کلرسینه لرده قان اولوب تأخیرده ن تئز گل
فراقوندا یاغیر رخساره گؤز بارانی یامهدی
**** ****
دوشوبدور قدر وقیمت ده ن بوتون انسان سئون سؤزلر
قاریشمیش بیر- بیره اصلا سئچیلمیر أیریلر دوزده ن
کسیلمیش چاره هر یئرده ن بوتون گؤزلر سنی گؤزلر
یوبانما گل سنی زهرای اطهر جانی یامهدی
**** ****
مدبر فرض ائدیرلر اؤزلرین ایندی مزوّرلر
اگر پول آلماسا تکبیره دیل آچماز مکبیّرلر
اوتوز رنگه سالیب آیاتی قورآن مفسیّرلر
اولوب مسجید یالانچی مؤمینین دوکّانی یامهدی
**** ****
اگر چی اصلی ده مسجید محل ذیکر و طاعت دیر
ز بس بیرنگ اولوب طاعت اودا بیر تور عادت دیر
مساجید ده داهی بیر مرکز کسب و تیجارت دیر
تیجارت رنگی رونق ده ن سالیب ایمانی یا مهدی
**** ****
اوره ک پاک اولماسا ایمان گولو اول قلبیده بیتمز
مفسّیرگر اولا دوزگون یولون قورآنه کج گئتمز
اوره ک پاک اولسا قورآندان ساوایی آیری یول گئتمز
گل آل نادان الینده ن اؤزون قورآنی یامهدی
**** ****
اؤزو ایتده ن بتر فارسین دئیه ن یوخدورسا هئچ عئیبین
ائدیر تؤوهین سالیر بلوا قیریر تورکو چکیر کئیفین
یامانلیقلا دولوفارسین سیلن یوخدور هله بئینین
قوتار فارسین الینده ن سن بوتون ایرانی یا مهدی